مـــــــ،ااا إحســــــاااسكـ؟

ما احساسك

يسألني الصحفي الاوربي ما احساسك و انته الان بنص اوربا
في قمة عصر التقنية ما احساسك لو عندك حاسوب و انترنت
و اتراسل كل بأيميل و متحس بغربة و حنية نقالك عبر الاقمار
يطلع وجه امك يوميه ما احساسك لو فتحة كلبك و الحصوة
باليزر يداون كلهن و ما تحتاج لاي عملية ما احساسك لو باليزر
محو امراضك اسهل من محو الامية ما احساسك لو ردت اوليد
يشيل اسمك تاخذ بتك للمستشفه و تحورهه هرمونات وحتى الولد
يصير بنيه ما احساسك لو عالغيم تعلك شقتك و النجمه اطب
من نافذتك و اتبات بحضنك ليليه احساسي اتلفضه بأنفاسك من انه اسئل
وانته اجاوب ما احساسك لو يتبدل حالك حالي وناسك ناسي و
وناسي بناسك ما احساسك لو تنسه الشقق الجويه ما احساسك لو تصبح
اكثر شعبيه ما احساسك لو تكعد بالحيانيه ما احساسك لو كل ساع أمأجر
غرفه و نكل اجوالتك يوميه لا من شغله و لا يوميه و ظلت بجيوبك بس ميه
ما احساسك ابيش جيبون الكميه ما احساسك لو صوبتكم
ما تتعله و لا تتنصه ولا تطفه اله تبخ فوكاهه اميه
ما احساسك لو وكتك ضكك فد نوبه و تتداين خبزات و روبه
افرض جيرانك ضكتك خويه نريد فلوس الروبه ما
احساسك من تظطر تبيع الصوبه ما احساسك من تفتر بسوك
الجمعه و شايلك من بيتك سلعه عميه بتسعه عميه اتوكل
بالله بسبعه شايف خير و تستاهلهه سلعة بيتي ابيتك خلهه
ومن يكعد يحسب بفلوسك وي كل ورقه تنزل دمعه
ما احساسك لو يوم تخلص كميتك و الجوع يلوج ابزريتك
تبجي دموعك تبجي عيونك بجيك ما يترس صينيتك ادكوم
ادعي و انته اصلي ابأصدق نيتك يارب يا ريتك ترحمنه
يا رب يا ريتك تنصرنه يا رب يا ريتك يا ريتك و الصاروخ
يطيح ابيتك ما احساسك لو نص ابنك طك ابراسك ما احساسك
لو كتلك اترك احزانك و حس بشعبك و بجيرانك ما احساسك لو عينك
شافة بنتين بعمره الخمسه و ست اسنين رادن يمشن رادن مره بلعبه
يركضن بس ما كدرن متعوقات بلا رجلين واتخيل عدهن رجلين
ويلعبن حليه ابراسك ما احساسك لو مريت بسوك و بنتك كالتلك
بابا جوعانه تكسر كلبك ادكوم اتمد ايدك بجيوبك تلزم فخذك
ماكو بطانه وثكل الدمعه يدنك راسك مو للكاع لشفة بنتك
انقهرت كلش باستك ما لازم بابا و ندمانه تسمع صوت يصيح
ادفعلي صوت الثاني يكلك انه و لا انه و لا انه و اتباوع كلهم
ديانه اشرف واحد بالديانه يجسر مد ايده بجيبك كض بس
رجليك العريانه ماكو بطانه طلع ايده راح الاول راح الثاني
راح الخامس ما احساسك فخضك يعلن عن افلاسك ما احساسك
لو براسك يلعب الشيطان و بكلبك قل الايمان شني هالعيشه خوف
و ذله وظلم و حرب وجوع و دربك ما تكدر تندله و ما تملك بالدنيا
جكاره هم حاسب نفسك انسان سويلك يمعود جاره ادكوم اصيح
يا شيطان بس عند الله هناك الجاره واجيت حدر السياره ما احساسك
لو داس ابريك و ما داسك ما احساسك لو انه السبب بألامك و اجسر
و اوكف كدامك و اجرء و اسئل ما احساسك احساسي تلفظه
بأنفاسك من انه اسئل و انته ااجاوب ما احساسك

..~..:":":":":":":":":":":":":":..~..●..~..تَـבَـي ْــتـےٍِ..~..●..~..:":":":":":":":":":":":":":..~. .