(.. خٍـٍـٍـٍـٍآٍفٍ ربــٍـٍكٍ اٍنٍـٍ يٍ كـِـِـِل سٍـٍـٍـٍآٍعٍـٍـٍه اٍمٍـٍـٍـٍوتٍ..!!!..)

توني فكيت الحزن
المن اجيت
وبعده كلبي
يلم بأثر سلايتك
وتوني عالهم سلهمت
ظنيت انام
وردت همومك
واجت مشايتك
خاف ربك انه كل ساعه
امـــــــــــــــوت
وانت بعنادي وتعلك رايتك
شنهو قصدك
تلعب بأعصابي ليش
كلشي صدك
ما يبرر غايتك
شوف غيرك
منهو معدوم الضمير
ما يسوي وياي
مثل سوايتك
انت عالباعوك
سهران وتلوب
وتخنك العبره
بصدر شرايتك
بعيني صار سنين
تلهب مو حرام
لله سويهه
واخذ كشايتك
نامت بكلبي رمح
ظنيت اطيب ؟؟
سنين صار
وما نسيت حجايتك
ليش اجيت
بهل وكت كلي شجاك
مني بعدك
ما اخذت اكفايتك
جيت تنشد
عالبقى امدد وراك
ميت انه
بصاية الله
وصايتك

..~..:":":":":":":":":":":":":":..~..●..~..تَـבَـي ْــتـےٍِ..~..●..~..:":":":":":":":":":":":":":..~.