(.. شايفلك نحر يركض ركض للسيف ..)

شايفلك نحر يركض ركض للسيف
لو شفت بحياتك سيف مجروح
تحده السيف نحري ويذبحه يريد
النحر ما منجرح والسيف مذبوح
علمني الوكت شلون اخذ ثار
ما ارضه بضلم والثار مسموح
شجره لا تصير الوكت يغدر بيك
لو تصبح حطب لو تنشرح لوح
وذا رحمو بحالك ما وصلت النار
تنمد كنطره وللدوس مطروح
ولا تمشي الطريق مدنك الراس
ولاتروح الصديقك تشكي وتنوح
اذا دنكت راسك تاكل صواب
واذا تشكي الصديقك شمت ممدوح
ولا تحزن لان يغدر صديقك بيك
خلي الحزن عندك موضه وتروح
وخلي الصادرات العندك عتاب
وخلي الوارد من الكلب ممسوح
والعب وي زمانك لعبه اطفال
صير انته الطفل والزمن مرجوح

..~..:":":":":":":":":":":":":":..~..●..~..تَـבَـي ْــتـےٍِ..~..●..~..:":":":":":":":":":":":":":..~. .